پەیامی نەورۆزی كۆمیتەی ناوەندی یەكێتی شۆڕشگێڕانی كوردستان

  • شەممە, 29 رەشەممە 1394
  • نووسراوە لەلایەن:  Rukurdistan
  • قەبارەی فۆنت کەمکردنەوەى قەبارەی فۆنت زیادکردنی قەبارەی فۆنت

هاووڵاتیانی خۆشەویست

كوردستانیانی خۆڕاگر

بە بۆنەی هاتنی نەورۆز و سەری ساڵی نوێی كوردی گەرمترین و شۆڕشگێڕانەترین پیرۆزبایی یەكێتی شۆڕشگێڕانی كوردستانتان لێ دەكەین.


هاونیشتمانیانی خۆڕاگر، خەڵكی خەباتكاری كوردستان.

ئەگەرچی ئەوە چەند دەیەیە كە سێبەری شوومی داگیركەر و دیكتاتۆر باڵی بەسەر وڵاتە دابەشكراو و گەلە چەوساوەكەماندا كێشاوە، بەڵام ئەوە نەبووەتە هۆی ئەوەیكە گەلی كورد لە خەبات و تێكۆشان بۆ رزگاری و گەیشتن بە مافی ڕەوای خۆی هەنگاوەكانی سست بێت و بەردەوام لە هەوڵ و كۆشش دابووە بۆ گەیشتن بە ئامانج و وەدیهێنانی ئاوات و ئامانجەكانی شەهیدانی سوورخەڵاتی گەلەكەمان.
نەورۆز بۆنەیەكی نەتەوەیی و لەمێژینەی گەلی كوردمانە كە وەك ناسنامەیەكی نەتەوەیی ماوەتەوە و هیچ یەك لە دوژمنانی نەتەوەكەمان نەیانتوانیوە ئەم ناسنامە نەتەوەییەمان لێ بسڕنەوە یان كەمڕەنگی بكەنەوە.
نەورۆز رەمزی گەشانەوە و ژیان و یەكگرتن و سەرهەڵدانە، رەمزی سەركەوتن بەسەر تاریكایی و هەڵهاتنی خۆرەتاوی ئازادی و رزگارییە، رەمزی شكاندنی بەستەڵەكی دیكتاتۆری داگیركاری و لەناوبردنی جەلادانی دڵرەشی نەتەوەكەمانە.
هاونیشتمانیانی خۆشەویست..
وەك دەزانن خەبات و شۆڕشی بێوچانی گەلەكەمان وا خەریكە لە باشووری كوردستان بە راگەیاندنی دەوڵەت و كیانی سەربەخۆی كوردستان و لە رۆژئاواش بە راگەیاندنی فیدراڵی و هەوڵ و هەنگاوی بوێرانەی گەلەكەمان لەباكووری كوردستان دژی حكومەتی فاشیست و رەگەزپەرستی تورك دەگاتە ئامانج.
لەو كات و ساتە هەستیارەدا كە دنیای دەرەوە و بەتایبەتی زلهێزەكان كە بوێری و لێهاتوویی گەلی كورد، بە كردەوە دژی تیرۆریستانی داعش دەبینن و ئازایەتی و قارەمانیەتی پێشمەرگە لە جیهان دەنگی داوەتەوە و خەریكە خەونی لەمێژینەی كورد كە سەربەخۆیی و رزگاریی یەكجارەكییە وەدی دێت، وێڕای پیرۆزبایی دووبارەمان بە بۆنەی ئەو یادە نەتەوەییە، داوا لە هەموو كوردێكی دڵسۆز و خەباتكار دەكەین كەوا بە پەیوەست بوون بە ریزەكانی یەكێتیمان بۆ خەبات و شۆڕش دژی ئەو حكومەتە دیكتاتۆرو سەرەڕۆیە، بە دەستپێكردنی خەباتێكی چڕ و بێوچان بەدژی شەمشەمە كوێرەكانی كۆماری پەت و سێدارە، بە یەكەوە ئەو نەورۆزە بكەین بە هەوێنی سەركەوتنی یەكجاری بەسەر دوژمنانی گەلەكەمان و بە یەكگرتن و یەكدەنگی دەستی رەشی داگیركەران لە نیشتمانی رەنگینمان بۆ هەتا هەتایە كورت كەینەوە.
بژی كورد
پایەدار بێ كوردستان


كۆمیتەی ناوەندی یەكێتی شۆڕشگێڕانی كوردستان
28ی رەشەمەی 2716ی كوردی

خوێندنەوە 936 جار
دەنگ بدە بەم بابەت
(0 دەنگەکان)
بڵاوکراوەتەوە لە راگەیەندراو
خوێندنەوە کد خبر: 492

نووسینی بۆ چوون

دڵنیابە لەوەى بۆشایی (*)پڕکردووەتەوە.کۆدی هتمڵ ناچالاکە.

راپۆرتی کەناڵی وار تیڤی لەسەر تێکەڵبوونی یەکێتی شۆڕشگێڕانی کوردستان لە پارتی ئازادی کوردستان

دوایین هەواڵەکان

روک تیڤی

Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی

roji-kurd

ئەرشیڤی رۆژنامەی رۆژی کورد:

1  2 3 
 5
 9  10  11  12
13  14   15  16

لە ماڵپەڕە کۆمەڵایەتییەکان لەگەڵمان دا بن:

هەواڵنامەی ماڵپەڕەکەمان