قەیرانی ئەتۆمی ئێران و لێدەم و لێندەمی رۆژئاوا !

  • دوو شەممە, 02 خاکەلێوە 769
  • نووسراوە لەلایەن:  سمکۆ یه‌زدانپه‌نا
  • قەبارەی فۆنت کەمکردنەوەى قەبارەی فۆنت زیادکردنی قەبارەی فۆنت

له‌ ساڵی 2006 دا ده‌وڵه‌تانی ئیسرائیل و ئه‌مریکا و چه‌ن وڵاتێکی ئوروپایی له‌ پاش وه‌رگرتن و پێگه‌شتنی زانیاری تا راده‌یه‌ک ورد سه‌باره‌ت به‌وه‌ی که‌ رژیمی ئێران له‌ نه‌ته‌نز و بوشه‌هر به‌ مه‌به‌ستی دروست کردنی چه‌کی ئه‌تۆمی (ناوکی) به‌خێرایی خه‌ریکی پیتاندنی یورانیۆمه‌ ، که‌وتنه‌ هه‌ڵوێستی جۆراوجۆر.

هه‌ر ئه‌وسا ده‌وڵه‌تی فه‌رانسه‌ له‌سه‌ر پیشنیاری چه‌ن ده‌وڵه‌تێکی دیکه‌ پێشنیاری به‌ رژیمی ئێران کرد که‌ له‌ بری راگرتنی پیتاندنی یورانیۆم 3000 سانتریفیوژ ده‌داته‌ ئه‌و رژیمه‌ تا ئه‌و مه‌به‌ستانه‌ی که‌ له‌ غه‌یری پیتاندنی یورانیۆم بۆ چه‌کی ئه‌تۆمیه‌ بیپێکێت.

دیاره‌ ئه‌م مه‌عامله‌یه‌ زۆر زوو کۆتایی پێهات و ده‌وڵه‌تی ئێران به‌وه‌ رازی نه‌بوو .
ئه‌نجومه‌نی ئاسایشی رێکخراوی نه‌ته‌وه‌ یه‌کگرتوه‌کان له‌ ساڵی 2007وه‌ تاکوو 2010 چه‌ن جارێک بۆ پشکنین و چاو خشاندن به‌و ناوه‌ندانه‌ی که‌ گومانیان لێده‌کرا پسپۆڕانی خۆی ره‌وانه‌ی وڵاتی ئێران کرد.

چه‌ند جار له‌سه‌ر ئه‌و فایله‌ له‌ مابه‌ینی رژیمی ئێران و رۆژئاواییه‌کان دا دانوستان کراوه‌.

له‌ چه‌ن پرۆسه‌ی جیاجیا دا هه‌ره‌شه‌ی جۆراوجۆر له‌ ئێران کراوه‌ و بایکۆتی جۆراوجۆری ئابوری به‌سه‌ر ئێران دا سه‌پاوه‌.
زۆر جار له‌ ناوه‌نده‌ هه‌واڵ گریه‌کانی ئه‌مریکا و ئیسرائیل و فه‌رانسه‌وه‌ باسی لێوه‌کراوه‌ که‌ ئه‌و رێژه‌یه‌ له‌ یورانیۆمی پیتێنراو ئه‌وه‌نده‌ی سانتریفیوژ لێبه‌رهه‌م هاتوه‌ که‌ یه‌ک یا دو بۆمبی ئه‌تۆمی پێ دروست کرابێت.

ئه‌مانه‌ و زۆر شتی دیکه‌ش له‌ چوار چێوه‌ی وا هات و وا چوو دا تا کوو ئێستا ماوه‌ته‌وه‌. له‌ ئاکام دا وێڕای ئه‌و هه‌موو بایکۆته‌ ئابوریه‌ نه‌ رژیمی ئێران وازی له‌ پیتاندنی یورانیۆم هێناوه‌ و نه‌ رۆژئاواییه‌کانیش له‌ هه‌ره‌شه‌ و بایکۆتێکی دیکه‌ دا راوه‌ستاون.
دۆسیه‌که‌ وه‌ک خۆی ماوه‌ته‌وه‌ و دڵه‌راوکێ و هه‌ست به‌ مه‌ترسی کردنی گه‌لانیش له‌ بۆمبی ئه‌تۆمی به‌ ده‌ست رژیمێکی بێ پره‌نسیب و بێ ته‌عه‌هود دا له‌ گه‌شه‌ دایه‌.

له‌م چه‌ند مانگه‌ی رابردوو دا هێنده‌ک له‌ ئاخاوتنه‌کانی رۆژئاواییه‌کان زۆرتر باس له‌ هێرشی نزامی له‌ شکلی مه‌وزعی دا ده‌که‌ن بۆ سه‌ر ناوه‌نده‌ ئه‌تۆمیه‌کانی ئێران.
ده‌وڵه‌تی فه‌رانسه‌ش هه‌ر له‌م هه‌فته‌یه‌ دا رایگه‌یاند که‌ بایکۆت ده‌خاته‌ سه‌ر کڕینی نه‌وتی ئێران و داواشی له‌ دۆستانی خۆی کرد که‌ ئه‌م ئابلۆقه‌یه‌ش به‌سه‌ر ئابلۆقه‌کانی دیکه‌ زیاد که‌ن.
ئه‌وه‌ی که‌ هه‌نوکه‌ شایانی باس و لێ ورد بوونه‌وه‌یه‌ دو خاڵه‌ :
یه‌که‌م ، کۆماری ئیسلامی ئێران باش ده‌زانێت که‌ پیتاندنی یورانیۆم به‌ هه‌ر مه‌به‌ستێک رابگرێت یان رانه‌گرێت دوارۆژی له‌ دوارۆژی دیکتاتۆره‌کانی دیکه‌ی رۆژهه‌ڵاتی ناوه‌ڕاست باشتر نابێت.
که‌وا بوو رژیمی ئێران وه‌ک رژیمێکی سیاسی و خاوه‌ن ئه‌زمون ، نه‌ک هه‌ر واز له‌ پیتاندنی یورانیۆم ناهێنێت به‌ڵکوو زۆر به‌ جدیش بۆ خۆ ئاماده‌ کردن به‌ڕوی هه‌رجۆره‌ شه‌ڕێک دا خه‌ریکی وه‌ده‌ست خستنی چه‌کی ئه‌تۆمیه‌ .

دوهه‌م ، ئه‌م خاڵه‌ لێ ورد بوونه‌وه‌ی زۆری ده‌وێت ، ده‌وڵه‌تانی ئه‌مریکا و ئیسرائیل و هێنده‌ک له‌ ئوروپاییه‌کان زۆر به‌ باشی هه‌ستیان به‌ نیه‌تی رژیمی ئێران کردوه‌ ، که‌وا بوو بۆچی ده‌بێت ئه‌و ده‌رفه‌ته‌ی پێببه‌خشرێت؟
بۆچی زۆر پێش ئێستا هه‌وڵی له‌ ناو بردنی ناوه‌نده‌ ئه‌تۆمیه‌کانی ئێرانیان نه‌داوه‌؟

بڵێیت مه‌به‌ستی ئه‌مریکا ئه‌وه‌ نه‌بێت که‌ کۆماری ئیسلامی ئێران ببێته‌ خاوه‌ن چه‌کی ئه‌تۆمی؟
ده‌ی ئه‌گه‌ر هاتوو رژیمی ئێران بوه‌ خاوه‌ن چه‌کی ئه‌تۆمی چی ده‌بێت؟
ئه‌وسا لێدانی گورزی نزامی له‌ ئێران مه‌نتقی و عاقلانه‌ ده‌بیت؟ ، یا خود هه‌ر ئێستا ئێران خاوه‌ن ئه‌و چه‌که‌یه‌ ده‌نا بۆچی ده‌بێت رژیمی به‌شار ئه‌سه‌د که‌ به‌ گوێ له‌ مستی رژیمی ئێران ناسراوه‌ و له‌ ژێر چه‌تری سیاسی و ئابوری ئێران دا هه‌ره‌شه‌ی ئه‌وه‌ ده‌کات که‌  ئه‌گه‌ر بێت و "ناتۆ" یان هه‌ر زلهێزێکی دیکه‌ هێرش بکاته‌ سه‌ر وڵاته‌که‌ی له‌ 6 کاتژمێر دا رۆژهه‌ڵاتی ناوه‌ڕاست ده‌سوتێنێ!!.

زانستی سیاسی وه‌ک هیچ زانستێکی دیکه‌ نیه‌ ، له‌ زانستی سیاسی دا بۆ هه‌ر شتێک ده‌یان و سه‌دان ئه‌گه‌ر و ئه‌ما هه‌یه‌.
ئه‌من بۆ خۆم پێم وایه‌ له‌ ناو هه‌موو ئه‌گه‌ره‌کان دا ئه‌و ئه‌گه‌ره‌ش هه‌یه‌ که‌ ده‌وڵه‌تی ئه‌مریکا به‌ نیاز بیت رێگه‌ بدا کۆماری ئیسلامی ئێران به‌ چه‌کی ئه‌تۆمی خۆی ته‌یار بکات و ئینجا شه‌رێکی ماڵ وێران که‌ری ئه‌تۆمی رووبدات و کۆمه‌ڵێک له‌گه‌لانی دور و نزیک واته‌ رۆژهه‌ڵاتی ناوه‌راست و به‌شێک له‌ ئوروپا زه‌ره‌رمه‌ندی سه‌ره‌کی بن و مۆدێلێکی دیکه‌ له‌ مۆدێله‌کانی کۆلۆنیالیزم له‌ پاش ئه‌و شه‌ڕه‌ بێته‌ ئاراوه‌ .

ئه‌م ئه‌گه‌ره‌ له‌ خۆڕا و له‌سه‌ر بنه‌مای دژایه‌تی کردنی کرداره‌کانی ئه‌مریکا نیه‌ ، به‌ڵکوو نیشانه‌کان وای ده‌رده‌خه‌ن و ئه‌م خاڵانه‌ی خواره‌وه‌ ناکرێت بۆ ئه‌و ئه‌گه‌ره‌ له‌به‌رچاو نه‌گیرێت:

1-    شه‌رێکی سارد‌ له‌ مابه‌ینی دۆلار و یۆرۆ ، به‌ واتایه‌کی دیکه‌ ده‌کرێت بڵه‌ین شه‌ڕی ساردی به‌ینی دو جه‌مسه‌ری یه‌کێتی ئوروپا و ولایه‌ته‌ یه‌کگرتوه‌کانی ئه‌مریکا ، که‌ له‌و نێوانه‌دا به‌ شێوازێک روس و بریتانیا هه‌م هه‌ن و هه‌م نیشن .

2-    هه‌ڵوشاندنه‌وه‌ی ئه‌و سیستمانه‌ی که‌ بریتانیا له‌ کۆتایی سه‌ده‌ی 19 و سه‌ره‌تای سه‌ده‌ی بیسته‌م دا له‌ رۆژهه‌ڵاتی ناوه‌ڕاست و به‌شێک له‌ ئه‌فریقا بنیادی نان .

3-    گۆلۆبالیزه‌یشنێک که‌ بوه‌ته‌ وێردی سه‌ر زمانی به‌ ناو پارێزه‌رانی مافه‌کانی مرۆڤ و باس کردن له‌ جیهانێکی بچوک ، دیاره‌ له‌ روانگه‌ی منه‌وه‌ ئه‌م گلۆبالیزه‌یشنه‌ ته‌نیا له‌سه‌ر بنه‌ماکانی هه‌واڵگری و ئینفۆرمه‌یشنی گشتی و ورد کردنه‌وه‌ی که‌ره‌سته‌کانی جیهانی سه‌رمایه‌ به‌ جیهانی سێهه‌مه‌.

4-    له‌ هه‌مووی گرینگتر که‌ راسته‌وخۆ پێوه‌ندی به‌ وتاره‌که‌مه‌وه‌ هه‌یه‌ ، هێشتنه‌وه‌ی کۆماری ئیسلامی ئێران له‌م شکڵه‌ سه‌رکه‌شه‌ی دا و له‌ ناو بردنی کۆمه‌ڵێک له‌ ده‌وڵه‌تانی نه‌یاری ئه‌و.

له‌ کۆتایی دا خوێنه‌ری به‌رێز ده‌بێت ئه‌وه‌ بزانێت که‌ من له‌ وتاره‌کانی دیکه‌ی پێوه‌ندیدار به‌م به‌م بابه‌ته‌وه‌ هه‌میشه‌ پێداگریم کردوه‌ له‌سه‌ر هێرشی نزامی بۆسه‌ر کۆماری ئیسلامی ئێران ، ئه‌و پێداگریه‌شم له‌سه‌ر بنه‌مای ئه‌وه‌ی که‌ من ئۆپۆزسیۆنی کۆماری ئیسلامی ئێرانم نه‌کردوه‌ به‌ڵکوو ئه‌زمون و ته‌جره‌به‌ ئه‌وه‌ی سه‌لماندوه‌ که‌ ده‌وڵه‌تێکی دیکتاتۆری سه‌رکه‌ش ، مه‌ترسی دار بۆ خه‌ڵکانی ژێر ده‌سته‌ی خۆی و گه‌لانی ده‌ور و به‌ری به‌ ئابلۆقه‌ و بایکۆتی ئابووری نه‌ک هه‌ر ملکه‌چی کۆمه‌ڵگای نێو ده‌وڵه‌تی نابێ و ده‌ست له‌ ئایدیا مه‌ترسی داره‌کانیان هه‌ڵناگرن ، به‌ڵکوو له‌ زۆر حاڵه‌ت دا ده‌کرێت به‌هێزتریش ببن. نمونه‌ی ئه‌و ده‌وڵه‌تانه‌ ده‌وڵه‌تی به‌عسی سه‌دام حسێن بوو که‌ له‌ ساڵی 1991وه‌ تاکوو ساڵی 2003 بایکۆتێکی به‌رفراوانی ئابوری له‌سه‌ر بوو به‌ڵام ئه‌و بایکۆته‌ کارتێکه‌ریه‌کی ئه‌وتۆی له‌سه‌ر دام و ده‌زگا سه‌رکوتکه‌ر و مه‌ترسی داره‌کانی رژیمه‌که‌ی سه‌دام حسێن دانه‌ناو ته‌نیا باجه‌که‌ی کۆمه‌ڵانی خه‌ڵکی ئاسایی ده‌یان دا ، که‌ ئه‌وه‌ش له‌ پاش 12 ساڵ له‌ لایه‌ن بڕیار به‌ده‌ستانی جیهانه‌وه‌ هه‌ستی پێکراو ده‌رئه‌نجام ئه‌و کاره‌ی که‌ ده‌بوایه‌ له‌ ساڵی 1991 دا له‌گه‌ڵ رژیمه‌که‌ی سه‌دام حسێن بیکه‌ن له‌ ساڵی 2003 دا کردیان.

هه‌نوکه‌ ئه‌گه‌ر بێتوو رۆژئاواییه‌کان به‌رانبه‌ر به‌ کۆماری ئیسلامی ئێران هه‌ر له‌ لێده‌م و لێنه‌ده‌م دا بن ئه‌و‌ه‌ ته‌نیا کاتێکی زیاتر و ده‌رفه‌تێکی باشتر به‌و رژیمه‌ ده‌به‌خشن و ده‌رئه‌نجامه‌که‌ی کۆماری ئیسلامی ئێران ده‌گاته‌ چه‌کی ئه‌تۆمی و ئه‌وسا لێدانی زۆر ئاسته‌م و لێنه‌دانیشی زۆر مه‌ترسی دار ده‌بێت.

سمکۆ یه‌زدانپه‌نا
سکرتێری گشتی یه‌کێتی شۆڕشگێڕانی کوردستان
27.11.2011

 

خوێندنەوە 899 جار
دەنگ بدە بەم بابەت
(0 دەنگەکان)
بڵاوکراوەتەوە لە هاوڕێ سمکۆ
خوێندنەوە کد خبر: 200

نووسینی بۆ چوون

دڵنیابە لەوەى بۆشایی (*)پڕکردووەتەوە.کۆدی هتمڵ ناچالاکە.

راپۆرتی کەناڵی وار تیڤی لەسەر تێکەڵبوونی یەکێتی شۆڕشگێڕانی کوردستان لە پارتی ئازادی کوردستان

دوایین هەواڵەکان

روک تیڤی

Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی

roji-kurd

ئەرشیڤی رۆژنامەی رۆژی کورد:

1  2 3 
 5
 9  10  11  12
13  14   15  16

لە ماڵپەڕە کۆمەڵایەتییەکان لەگەڵمان دا بن:

هەواڵنامەی ماڵپەڕەکەمان