• بۆ رای گشتی‌و بەتایبەتی بەڕێوە بەرانی تۆڕی میدیای رووداو
حیزبی یەک‌و دوو لە رۆژهەڵاتی کوردستان بوونی نییە

  • پێنج شەممە, 25 بەفرانبار 1393
  • نووسراوە لەلایەن:  سمکۆ یه‌زدانپه‌نا
  • قەبارەی فۆنت کەمکردنەوەى قەبارەی فۆنت زیادکردنی قەبارەی فۆنت

چەند سەرنج و، وەڵامێک بۆ ئەو راپرسی‌و میزگردەی ئێوارەی ٢١/٢/٢٠١٤ کە لە رووداو بڵاو کراوەیە.

یەکەم: رۆژهەڵاتی کوردستان وەک هەر وڵاتێکی دیکەی بێ‌دەوڵەتی داگیرکراو، خاوەن چەندین حیزبی ئۆپۆزیسیۆنی داگیرکەرانی نیشتمانەکەیەتی. کەوابوو وێڕای سەرنجدان‌و رێز گرتن لە مێژووی هەر حیزبێک، دەبێت ئەو راستییە بزانین لەوەها هەلومەرجێکدا کە ئێمەو سەرجەم حیزبەکانی رۆژهەڵاتی کوردستانی تێیداین، موبالەغەو ناراستییە کە هەر حیزبێک خۆی بە یەک‌و دوو یاخۆ جەمسەری یەکێک لە بیرۆکەکان بزانێت.

ئێوەی میدیا کاران‌و حیزبەکانی ئاشنا بەو واقعەی رۆژهەڵاتی کوردستان، باش دەزانن بۆ وەرگرتنی وەڵامی راست کە کام لایەن حیزبی یەک‌و دووە، تەنیا لە پاش رزگاری‌و کەشێکی هێمن‌و ئازادو بە رێفراندۆمێکی خاوێن‌و بێ‌دەست تێوەردان ئەو وەڵامە وەردەگرینەوە.

دووهەم: بڕواننە رۆژئاوای کوردستان، کۆمەڵێک حیزب هەن کە مێژووکەیان لە ٤٠ ساڵ خەبات زیاترە، بەڵام ئەمڕۆ لەبەر بێ‌هێزی لە هۆتێلەکانی باشووری کوردستان پاڵیان لێداوەتەوە، کەچی پارتی یەکێتی دیموکراتی “PYD” خاوەنداری‌و رمبازێن دەکات لە رۆژئاوای کوردستان، کورد وتەنی "بە ریش نییە بە ئیشە".

سێهەم: بە سەرنجدان بەو راستییە دەبێت ئەوە بزانین لە کاتی رزگاری رۆژهەڵاتی کوردستان‌و ئەوکاتەی کە شەر کەوتە قۆپی، ئەوسا دیاری دەکات کە کێ خۆی فیدای خاک‌و خەڵک دەکات‌و کێش لە هەولێر پاڵی لێدەداتەوە، هەر ئەوساشە کە هەر لایەنەو وەزنی خۆی بۆ دەردەکەوێت.

چوارەم: ئەوانەی کە خۆیان بە سەرقافڵەو جەمسەری فلان‌و فیسار ئایدیاو بیرۆکە دەزانن، بە چەپ‌و راست‌و سەربەخۆییخوازو ئێرانچێتی شەوە، دەبێت ئەو راستییە بزانن کە هەر حیزبێک تەنیا نوێنەرایەتیی فەلسەفەی سیاسی خۆی دەکات، هەلومەرجی سیاسیی رۆژهەڵاتی کوردستان ئەوەی سەلماندووە کە هیچ کەس‌و لایەنێک نەیتوانیوە بە تەنیا سەرقافڵەو جەمسەر بێت، یەکێتی شۆڕشگێڕانی کوردستان وەک یەکەم حیزبی سەربەخۆییخواز کە خاوەن ٢٣ ساڵ تەمەنی بێ‌پسانەوەیەو هاوکات لەگەڵ ئەوەی کە سەرجەم حیزبەکانی رۆژهەڵاتی کوردستان بە دۆستی خۆ دەزانێت، لەهەمان کاتیشدا بەم هەلومەرجەوە رێگا بە هیچ جۆرە جەمسەرێک نادات، هەر ئەم جۆرە خوێندنەوانەیە کە تاکوو ئێستا مخابن نەتوانراوە بەرەیەک یا ئیئتلافێک لە رۆژهەڵاتی کوردستان دروست بێت، با لە جیاتی خۆبە جەمسەر زانین‌و قوتب بەندی، خاڵە هاوبەشەکانی هەموومان بکەیەنە هەوێنی دروستکردنی بەرەی کوردستانی.

پێنچ: هەر چەندە بەرێوەبەرانی تۆڕی میدیایی رووداو سەربەستن لەوەی کە دەیڵێن‌و دەیکەن، بەڵام خۆزگە ئەوان خۆیان ببواردایە لە پەڕاوێز خستنی ئەم حیزب‌و ئەو حیزب، وەک خانەخوێیەک ئێمەشیان بانگێشت بکردایە، یان لانی کەم بۆ رێز لە خەبات‌و قوربانیدانمان خۆیان لەناو هێنانی ئێمە نەبواردایە.

شەشەم: یەکێتی شۆڕشگێڕانی کوردستان وای پێباشە کە تۆڕی میدیایی رووداو بە جێگای راپرسی لەسەر ئەوەی کە کام لایەن یەکەم یان دووهەمە، باپرسی بەرەی کوردستانی کە زەروورەتێکی هەنووکەییە بورووژێنێت.

سمکۆ یەزدانپەنا

سکرتێری گشتی

یەکێتی شۆڕشگێڕانی کوردستان

٢٢/٢/٢٠١٤

خوێندنەوە 1121 جار
دەنگ بدە بەم بابەت
(1 دەنگدان)
بڵاوکراوەتەوە لە هاوڕێ سمکۆ
خوێندنەوە کد خبر: 224

نووسینی بۆ چوون

دڵنیابە لەوەى بۆشایی (*)پڕکردووەتەوە.کۆدی هتمڵ ناچالاکە.

راپۆرتی کەناڵی وار تیڤی لەسەر تێکەڵبوونی یەکێتی شۆڕشگێڕانی کوردستان لە پارتی ئازادی کوردستان

دوایین هەواڵەکان

روک تیڤی

Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی

roji-kurd

ئەرشیڤی رۆژنامەی رۆژی کورد:

1  2 3 
 5
 9  10  11  12
13  14   15  16

لە ماڵپەڕە کۆمەڵایەتییەکان لەگەڵمان دا بن:

هەواڵنامەی ماڵپەڕەکەمان