حاجی ئەحمەدی گەل ئەم سووكایەتیەت بێ وەڵام ناهێڵێتەوە

  • چوار شەممە, 09 بەفرانبار 1394
  • نووسراوە لەلایەن:  سمكۆ یەزدانپەنا
  • قەبارەی فۆنت کەمکردنەوەى قەبارەی فۆنت زیادکردنی قەبارەی فۆنت

سمكۆ یەزدانپەنا
كاتێك بیستم حاجی ئاغا بەم شێوازە سەبارەت بە ئاڵای پیرۆزی نەتەوە بێ دەوڵەتەكەمان شەكری شكاندوە، خۆم پێ ڕانەگیراو بڕیارم دا كە بە ناوی خۆم و هاوڕێیانم لەناو ریزەكانی یەكێتی شۆڕشگێڕانی كوردستان كە بەشێكی دانەبڕاون لە گەلەكەمان وەڵامی بە چەشنی حاجی ئەحمەدیانەی بدەمەوە.


حاجی ئەگەر تۆزێك عەقڵی بێت و تۆزێكیش سەواد، بە شەرتێكی پاروە چەورەكانی لە چێشتخانەكانی ئوروپا كە بە پارەی خۆ بەدەستەوەدان و خۆهەرزان فرۆش كردن بەدەستی هێناوە و لەترسی لەدەستنەدانی بڕوانێت تۆزێك بیری وشكبووی تەڕ بكاتەوە دەزانێت كە بۆ نەتەوەیەك كە سەرجەم مافەكانی لێ زەوت كراوە و زۆرێك لە سەمبولەكانی لە مێژووی ساختەی داگیركەرانی كوردستاندا لێ سڕاوەتەوە بۆ بیرمەندان و عەقڵمەندان و سەركردە سیاسیەكانی ئەو نەتەوەیە زۆر حەڵاڵە لەپێناو یەكڕیزی نەتەوەكەیاندا سێمبولتاشینیش بكەن. ئەگەر نەیكەن جێی پرسیار و بێ تەدبیرییە، سەركردە مێژووییەكانی گەلی كورد ئەو ئەركە ئەخلاقی وحیزبی و نەتەوەییەیان ئەنجام داوە كە دەبینین ئەو ئاڵایەی كە حاجی ئەحمەدی بەناوی ئەم لایەن و ئەولایەن سووكایەتی و بێڕێزی پێ دەكات، هەر لە سلێمانی و هەولێرەوە بۆ بۆكان و مهاباد و سنە و ورمێ و كرماشان و، لەوێشەوە بۆ دێرك و قامیشلو و لەوێشەوە بۆ ئامەد چەندین ساڵە دەدرەوشێتەوە ئەوە ئەو ئەركە ئەخلاقیەی كە سەركردەكانی گەلی كورد هێماتاشیان بۆ كردوە.
حاجی مەگەر ئەو شارانە گەلی كوردی تێدا نیە؟ حاجی مەگەر ئەوانەی ئەو ئاڵایەیان بە دەستەوەیە و شەڕی پاسدار و عەسكەر و میت و داعش دەكەن رۆڵەی ئەم گەلە نین؟ ئەی ئەم هەموو سووكایەتی و قسە بێ بنەماو پووچانە بەپێی كام بەڵگەی مێژووییە؟
تۆ و هاوتەریبەكانت هەروەك ئیسلامییە سیاسی و توندڕەوەكان نەك بە ئاڵای نەتەوەكەمان، بەڵكوو بە سروودی "ئەی رەقیب"یش تێك دەچن. حاجی ئەحمەدی تێگەیشتن لە تۆو ئەمسالی تۆ فەلسەفە نیە كە قووڵ بێت، ئێوە نانی ئەو قسە هیچ و پووچ و بێڕیزیانە بە ئاڵا و نەتەوەی كورد لەمێژە دەخۆن. ئێوە ئاو بە ئاشی نەزان دا دەكەن. ئەو ئاڵایەی كە تۆ بێڕێزی پێ دەكەی پێش ئەوەی پارتی و یەكێتی لەساڵی 1992 بە فەرمی بیناسن، یەكێتی شۆڕشگێڕانی كوردستان سی رۆڵەی گەلی لەپێناو شەكاوە راگرتنیدا قوربانی كرد.
حاجی ئەحمەدی بێ ناو و نیشان! تۆ كێیت؟! چەند ساڵت ئارەقە لەپێناو كوردایەتیدا ڕشت؟ تۆ لەپڕێك بووی بە كوڕێك. هەمووی ساڵێكت پێشمەرگایەتی نەكرد و هەڵاتی بۆ ئوروپا و لەپڕدا بووی بە سەركردەی حیزبێكی وەهمی كه سەركردەكانیشی كەس لە رۆژهەڵاتی كوردستان نایان ناسێت. تۆ وەك پیشەی هەمیشەییت شەكر دەشكێنیت و دەڵێیت ئەو ئاڵایە، ئاڵای بنەماڵەی بارزانیە و یەكێتی نیشتمانیش لەساڵی 92 لە ناچاریدا دانی پێداناوە. تۆ دەزانیت كە بنەماڵەی بارزانی بە باپیرو باوك و كوڕو نەوەكانیانەوە پتر لە 150 ساڵە لەپێناو كوردستاندا خۆیان بێ پسانەوە قوربانی دەكەن؟ هەر ئەو یەكێتی نیشتمانیەی كە تۆ ئاوا سووكایەتی پێ دەكەیت و بە بێچارە ناوی دەبەیت، دەزانی هەر لە سەرەتای دامەزراندنیەوە تاكو ئەوڕۆ بە دەیان سەركردەیان لەپێناو دەستەبەركردنی مافە نەتەوەییەكانی نەتەوەی كورد دا قوربانی كردوە؟
حاجی ئەحمەدی تۆ لە خۆت شەرم ناكەیت كە رێگە دەدەیت كۆمەڵێكی كەم و چەند میدیایەكی نادیار سەربەكوێ!! بە سەركردە ناوت بەرن! تۆ دەزانیت كە سەركردە لە كوردستان چ مانایەكی هەیە؟ هیچ سەركردەیەكی حیزبی كوردستانی لە كۆن و ئێستاشدا هەبووە كە خۆی لە سەنگەرەكانی پێشەوە نەبێت و شەڕی بەرگری و دیفاع لە كەرامەتی نەتەوەیی نەكات؟ هەر لە سمكۆ شكاك و بارزانی نەمر و قازی و تاڵەبانی و مەسعود بارزانی و بەندە و سكرتێرەكانی دیكەی حیزبەكانی كوردستانیش لەگەڵ گەل ژیان و لەگەڵ گەل دەژین و هەر بۆ گەلیش دەژین و هەر بۆ گەلیش دەمرن و بۆ چركە ساتێكیش سەنگەرەكان و شاخەكانی كوردستانیان بەجێ نەهێشتوە، بەڵام تۆ لەو رۆژەوە خۆت ناسیوە چەند رۆژ لە شاخەكانی كوردستان ژیاوی؟
كەوابوو بۆ كەسێك كە رۆژێك ئاڵا بەدەست و چەك بەدەست شاخەكانی كوردستان بەرامبەر بە عەرەب و تورك و فارس رانەوەستابێ، ئەم شەكر شكاندنانە زۆر ئاساییە.
ئەو ئاڵایەی كە هەنووكە لەسەر بارەگای زۆربەی هەرە زۆری حیزبەكانی كوردستان دەدرەوشێتەوە و تابووتی شەهیدەكانمانی پێ دەڕازێنرێتەوە پەسندكراوی گەلە و گەلیش ئەو بڕیارەی داوە كە ئەو ئاڵایە دەبێ بە سەربەرزی و شەكاوەیی بمێنێتەوە. هەر لەو پەیوەندییەش دایە كە گەلیش رێگای ئەو سووكایەتی و قسە بێ ماناو پووچانەت پێ نادات و بێ وەڵامیشت ناهێڵێتەوە هەی سەركردەی وەهمی.

خوێندنەوە 1150 جار
دەنگ بدە بەم بابەت
(3 دەنگەکان)
بڵاوکراوەتەوە لە هاوڕێ سمکۆ
خوێندنەوە کد خبر: 370

نووسینی بۆ چوون

دڵنیابە لەوەى بۆشایی (*)پڕکردووەتەوە.کۆدی هتمڵ ناچالاکە.

راپۆرتی کەناڵی وار تیڤی لەسەر تێکەڵبوونی یەکێتی شۆڕشگێڕانی کوردستان لە پارتی ئازادی کوردستان

دوایین هەواڵەکان

روک تیڤی

Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی

roji-kurd

ئەرشیڤی رۆژنامەی رۆژی کورد:

1  2 3 
 5
 9  10  11  12
13  14   15  16

لە ماڵپەڕە کۆمەڵایەتییەکان لەگەڵمان دا بن:

هەواڵنامەی ماڵپەڕەکەمان