cو رزگار بوونی یەکجاری رۆژئاوا و رۆژهەڵاتی کوردستان

  • قەبارەی فۆنت کەمکردنەوەى قەبارەی فۆنت زیادکردنی قەبارەی فۆنت

ژێنراڵێکی "ئادۆلف هیتلێر" لە کاتی شەڕی جیهانی دووهەمدا ولە کاتی کۆمەڵ کوژیی جوولەکەکان بەردەوام بە هیتلێری دەوت "با ئەم کارانە نەکەین مێژوو بە خراپ باسمان دەکات " هیتلێریش" هەموو جارێک لە وڵام دا دەیوت ئەگەر سەرکەوتین مێژوو خۆمان دەینووسین ،ئەگەریش شکاین ،ئەوە ئەوەی نەشمان کردووە دەڵێن کردوویانە.

نەتەوەی کورد بە درێژایی ئەم ٥ سەدەیە لە داگیر کراوی وڵاتەکەی، رووبەرووی دەیان هێرشی هەمە لایەنەی تورک وعەرەب و فارس بووەتەوە و زۆر جارێش سەرکەوتووە و زۆر جارێش شکاوە و نیشتمانەکەی داگیر کراوە.

بابانەکان توانییان بەغداد داگیر بکەن ،بەڵام بە هۆی ئەوەی کە هیچکاتێک بە نیشتمانی خۆیانیان نەدەزانیی و جەوهەری داگیر کردنی نیشتمانی گەلانی دیکەشیان لە خوێندا نەبووە، زۆر زوو کشاونەتەوە سەر زێدی خۆیان و تەنانەت کۆمەڵ کوژی و دەستدرێژی و تاڵان و بڕۆشیان نەکردووە.

بەڵام مخابن چونکە مێژوو نوسەکانی ئەو رووداوانەی کە پێوەندییان بە نەتەوەی کورد و شەڕەکانیانەوە هەیە، زۆربەی هەرە زۆریان عەجەم وغەیرە کوردن ، ئەوەی کە رۆڵەکانی نەتەوەی کورد و سەردارە جوامێرەکانیان نەشیان کردووە بە ناویانەوە کردوون.

ئێستاش بە کەڵک وەرگرتن لە مێژوو ئەو هەموو ئەزموونەی کە کورد لە بەسەرهاتوو رابردووی وەرگرتووە ،بێ گۆمان دەبێت ئەم جارەیان بە شێوازێکی دیکە خۆی بۆ رزگاری و بەرەنگار بوونەوەی هەر چەشنە شەڕو پێکدادانێک ئامادە بکات.

پەندێکی پێشینیان هەیە کە دەڵێت ، چاو بە جیی چاو و دەست بە جیی دەست .

ئەمە هەرچەندە بۆ تێرۆانین و پرێنسپە ئەخلاقیەکانی گەلی کورد نامۆیە ، بەڵام ئەمە راستی مانەوەیە لە کاتی شەڕوپێکدادان ، لێبووردووی و ناسییونالیزمی شەرمێون و دڵگەورەی بەرانبەر بە دۆژمنی داگیرکەر ،کوردستان بە داگیر کراوی دەهێڵێتەوە .

نەتەوەی کورد، لە رۆژهەڵاتی کوردستان "موکری قڕانی" لێ کرا قارنەوە قەڵاتان و چەندین کۆمەڵکوژی لێ کراوە ، لە باکوور کۆمەڵکوژی و٨٠ساڵ زمانی خۆی لێ قەدەغە کرا ، لە رۆژئاوا بێ ناسنامەو بە کۆچەر ناوی برا، لە باشوور جینوساید (ئەنفال) و حەلەبجە و گەرمیان وبارزان غەدری گەورەی لێ کرا، یەکەم بۆمبی بریتانیایەکان بە باشووری نیشتمانەکەماندا درا، بە دەگمەن سەرکەردەیەکی کورد هەیە کە بە فێڵ و تەڵەکە و زمان لووسی دەوڵەتانی تورک و عەرەب و فارس نەکوژرابێت .

لە ساڵی ١٩٩١ گەلی کورد لە باشوور هەلێکی زێرینی بۆ رەخسا ، هێزی پێشمەرگە و جەماوەری راپەڕیو ، توانییان تا نزیک شاری بەغداد ، هێزەداگیرکەرەکانی حوکومەتی بەعس راونێن ، بەڵام مخابن گەلی کورد لە باشووری نیشتمان ئەو جۆرەی کە دەبوو ببوایت،نیتوانی هەلەکە بە تەواوەتی لە خزمەت خۆیدا بقۆسێتەوە ، دیارە ئەوەش تەنها لە ئیرادەی سەرکردایەتی سیاسی و گەلی باشووردا نەبوو، ئەوسا هاوکێشە سیاسیەکانی جیهان و بەرژەوەندی زڵهێزەکان رۆڵی کاریگەریان دەبینی .

هەرچەندە کە ئەمە دیاردەیەکی تازە نەبووە ، بەڵکوو لانی کەم لە سەدەی ١٨ بەم لاوە بەردەوام بۆ یەک لابوونەوەی کێشەکان لە رۆژهەڵاتی ناوەراست ، رۆڵی سەرەکی لە لایان بڕیار بە دەستان و زلهێزانی جیهانییەوە بووە ، ئەگەر لە سەدەکانی ١٨و١٩ رۆڵی سەرەکی لە دەس بریتانیا و چەن دەوڵەتێکی دیکەی ئۆروپاییدا بووە، ئەوە لە سەدەی ٢٠ بەم لاوە رۆڵی سەرەکی ئامریکا دەیگێرێت.

هەر لەو پێوەندییەدا ، ئەگەر وە بیرخۆمانی بخەینەوە ، ئامریکایەکان لە سەروبەندی بردنەوی شەری سارد ، (شەری دەیان ساڵەی مابەینی سوڤییەت وئامریکا) پروژەیەکیان هێنایەئاراوە، لە ژێر ناوی "رۆژهەڵاتی ناوەراستی گەورە"کە روخانی سەدام حوسین و داگیر کردنی یاسایی ئێراق و ئەفغانستان و تەنانەت سەرهڵدانی راپەرینەکانی نەتەوەی عەرەب لە وڵاتانی باکووری ئافریقا ،توونس ،لیبی ومیسر کە بە بەهاری عەرەبی ناوزەدکرا ، هەر هەمووی لەو پرۆژەیەی دەوڵەتی ئامریکا دا کاری بۆ کرا، بۆ بونیادنانی سیستێمێکی نوێ لە رۆژهەڵات و هەڵتەکانی ئەو سیستمە ی کە بریتانیا لە سەدەکانی ١٨و١٩لە رۆژهەڵات بونیادی نا.

هەرلە درێژەی ئەو پلانەیەکە دەستەو یەخەی دەوڵەتی "بەشار ئەسەد" بووەتەوە و لەرێگای شەڕی ناوخۆی سووریەشەوە چەندین دەوڵەتی ناوچەیی و جیهانی لەو شەرەوە دەگلێن کە یەک لەو دوڵەتانە ، کۆماری ئیسلامی ئێرانە.

لە ساڵی ١٩٩٩ وتارێکم لە ژێر ناوی "تالیبان باتلەخە (زلکاوە)بۆ رژیمی ئێران یا سەرکەوتن؟" بڵاو بووە وە کە تێدا ئاماژەم بە ئەگەری هەڵگیرسانی شەڕ لە مابەینی هێزەکانی تالیبانی ئەفغانستان و کۆماری ئیسلامی ئێراندا کردبوو، هەردووک لا بۆ ماوەی مانگێک هێزەکانیان لەسەر سنووربەرانبەر بە یەک راگرتبوو، ئەوسا کۆماری ئیسلامی ئێران ژیرانە جوولایەوە وکوتایی بەگرژییە کە هێنا ، دەنا لە زلکاوێکی خراپەوە رۆ دەچوو.

بەڵام ئەمجارەیان هەر لە ئێستاوە لەو زلکاوەی کە بوی دروست کراوە لە "سووریە" خەریکە روودەچێت.

هەر ئێستاکە دەوڵەتی ئامریکا وچەن هاوپەیمانێکی خەرێکی تاوتووی کردنی کاری"بەشار ئەسەد" ن ئەمەش هەر لە درێژەی پروژەی رۆژهەڵاتی ناوەراستی گەورەی ئامریکا دا گونجاندراوە ،بێ گۆمان هێرش کردنە سەر دەوڵەتی "بەشار ئەسەد" مسوگەرە جا چ ئامریکا بە تەنها /چ بە بەشداری ئەندامانی "ناتۆ" کە تێدا دەوڵەتی تورکیەش نەک بێ مەیل نییە، بەڵکوو پەلەشیەتی .

لە ئەگەری هەڵگیرسانی وەها شەڕێکی گەورە لە کەنداو ، دوو دەوڵەتی داگیرکەری رۆژئاوا و رۆژهەڵاتی کوردستان بۆ شکان و دووڕان پشکی شێریان بەردەکەوێت.

کەوابوو لە رەخسانی وەها هەلوو مەرجێکدا ئەگەر بێتو ئەمجارەیان خەڵکی کوردستان بە گشتی و حیزبە سیاسیەکانی کوردستان بە تایبەتی بتوانن بە کەڵک وەرگرتن لە ڕابردوو ، بێ بەزەیانە پاک وناپاکی داگیرکەران لە کوردستان دەرپەرێنن و بێ ئەم لاو ئەولا لە سەر مافی ناسیونالیزمی سیاسی سووربن و ئامادەی هیچ جۆرە سازشکیی بەنەهێنی و بە ئا شکرا نەبن ، ئەوە لەم شەڕە گەورەیەی کەنداو کە بەرێوەیە بێ گۆمان رۆژئاواو رۆژهەڵاتی کوردستان یەکجارەکی رزگار دەبن.

دیارە،ئەمەش بەشێکی پێوەندی بە بێ بەزەی بوونی کۆمەڵانی خەڵکی کوردستان بەرانبەر بە بە داگیرکەرانە وە هەیە ، بەشێکی دیکەی جەوهەری، پێوەندی بە تەبای ویەکریزی حیزب و لایەنە کوردیەکانەوە هەیە کە تا چەندە ، دەتوانن بۆ گەیشتن بە رزگاری و جوگرافیای سیاسی کوردستان لە ژێر یەک چەتردا کۆک وکۆببنەوە ، جا ئەگەر کورد لەو شەرە خوێناویەدا وەک داگیرکەران بێ بەزیانە بۆمافی خۆی شەری کردو سەرکەوت ، ئەوە مێژوو خۆمان دەینووسینەوە .

شەممە, 15 حوزەیران 2013

 

خوێندنەوە 340 جار
دەنگ بدە بەم بابەت
(0 دەنگەکان)
خوێندنەوە کد خبر: 211

نووسینی بۆ چوون

دڵنیابە لەوەى بۆشایی (*)پڕکردووەتەوە.کۆدی هتمڵ ناچالاکە.

راپۆرتی کەناڵی وار تیڤی لەسەر تێکەڵبوونی یەکێتی شۆڕشگێڕانی کوردستان لە پارتی ئازادی کوردستان

دوایین هەواڵەکان

روک تیڤی

Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی
Category: فیلم و دوکیومێنتی حیزبی

roji-kurd

ئەرشیڤی رۆژنامەی رۆژی کورد:

1  2 3 
 5
 9  10  11  12
13  14   15  16

لە ماڵپەڕە کۆمەڵایەتییەکان لەگەڵمان دا بن:

هەواڵنامەی ماڵپەڕەکەمان